د ماشوم په عاطفي وده کې د کيسې ویلو ونډه

کیسه او داستان د ادبیاتو له مهمو برخو څخه دي چې نه یوازې د ساعت‌تېرۍ ارزښت لري، بلکې د ماشوم پر رواني، ادراکي او عاطفي ودې ژور اغېز هم کوي.

دا څېړنه د توصیفي–تحلیلي میتود پر بنسټ د معتبرو علمي سرچینو او ارواپوهنیزو نظریاتو په رڼا کې د ماشوم په احساساتي، ټولنیز او ذهني پرمختګ کې د کیسې رول څېړي.

موندنې څرګندوي چې ماشومان د کیسو له لارې خپل احساسات پېژني، د نورو عواطف درک کوي او د همدردۍ مهارتونه ترلاسه کوي.

کیسې ماشوم ته یو خوندي رواني چاپېریال برابروي چې پکې وکولی شي خپلې وېرې، اندېښنې او داخلي تجربې په غیر مستقیم ډول مدیریت کړي.

د کیسې ویلو دوامداره لړۍ د اخلاقي ارزښتونو پیاوړتیا، د ژبنیو مهارتونو وده، د تخیل پراختیا او د ټولنیزو اړیکو ښه‌والي کې مهمه ونډه لري.

پایله دا ده چې کیسه د ماشوم د شخصیت په رغولو کې مرسته کوي او کورنۍ او تعلیمي بنسټونه باید ترې په منظم ډول ګټه واخلي.

ماخذ: د ماشوم په عاطفي وده کې د کیسې ونډه. (۱۳۹۶). د بغلان پوهنتون علمي-څېړنیزه مجله، پنځم کال، نهمه ګڼه، اوړی، ۱۸۶ مخ.